20130607

ස්ටීව් මැක්කරිගෙන් මිනිත්තුවක උපදෙසක්.



1.
ඡායාරූප ශිල්පියෙකුට වර්ධනය කරගත හැකි
ඉතාම වැදගත් ගුණාංගයක් වන්නේ
ඔහු ඒ මොහොතෙහි සිටින පරිසරය පිළිබඳව
ඔහු තුළ ඇති කුතුහලයයි.

ඔබ කොතනක සිටියත්
ඔබ වෙළඳපළක, වීදියක සිටී නම්
දකුණට යා යුතුද, වමට යා යුතුද?
ආලෝකය කෙබඳුද? සොයා යන්න..

ඔබ ඔබේ හිස හැරුණු අතට ගමන් කරයි..
ඒය ත්‍රාසය සොයා යන ගවේශණයක් වැන්න..

ඔබ ලෝකයේ කුමන නගරයක සිටියත්
ඔබ කළයුතු පළමු කාර්යය වන්නේ
විනෝදයෙන් පසුවීමයි.

ඔබේ ඉවට හැඟෙන ආකාරයට
සතුට විනෝදය සොයමින්
ගවේෂණය කරන්න..
1



2
විශිෂ්ඨ ඡායාරූප කියල මම හිතන්නෙ
ඔබට අමතක කළ නොහැකි ඡායාරූප .

ඔබ සමග රැඳෙන ඡායාරූප.
ඔබට ඉගෙන ගත හැකි ඡායාරූප..
ඔබ වෙනස් කරන ඡායාරූප.
හැඟීම්බර කතාවක් කියන ඡායාරූප.

හොඳ සම්පිණ්ඩණයක්, හොඳ රටාවක්...
මනාව යෙදුණු වර්ණ, වැදගත්..

ඒත් මම හිතනවා
ප්‍රධාන වශයෙන්
එහි වැදගත් කතාවක්..
සිත්ගන්නාසුළු කතාවක්
තිබිය යුතුයි.

මගේ දර්ශනපථය වෙනස් කරවන
මා යමක් ඉගෙන ගන්නා දෙයක්...
2
.



























Steve McCurryගේ ඡායාරූප විචාරණ





ඡායාරූපයක් තුළ රටා මතු කර ගන්න නම්
අවම වශයෙන් අන් අයගෙ ඡායාරූප තුළවත්
රටා හඳුනාගත හැකි සංවේදී මනසක්
ඡායාරූප ශිල්පියාට තියෙන්න ඕනෙ.

සැබෑ ත්‍රිමාණ පරිසරයෙ
රටා දකින්න අපහසුයි.

දක්ෂ ඡායාරූප ශිල්පීන්ගෙ
ද්විමාන ඡායාරූප විශ්ලේෂණය
ඊට හොඳ පිවිසුමක්.

Photos by Steve McCurry

 මේ ඡායාරූපවල
උදාසීන වර්ණ සහිත වටාපිටාවෙ
රතු වර්ණය අරමුණට ඇස ගෙන යනවා.
ඒ නැතත් මේ පරිසරයෙ
ලොකු කුඩා හැඩතල සියල්ලම පාහේ
අපේ ඇස අරමුණ වෙත ගෙන යන විදියට
අරමුණ වටා රොක් වෙනවා.



රතු සහ කොළ වර්ණ
එකිනෙකට ප්‍රති විරුද්ධයි..
එකක් වැඩියෙන් සහ
අනික ගැලපෙන අනුපාතයකින් තියනවා නම්
හොඳ ඡායාරූපයකට
ඒ සංගතිය ආලෝකයක්.
මෙහි ඒ සංගතිය
ඉතාම හොඳින් පිහිටා තියනවා.
එම වර්ණ දෙකට බාධා නොවෙන විදියෙ
උදාසීන වර්ණ රටාවක්
පසුබිම් වීමත් නොමඳ සහායක්..

කලුපාට හැඩතලත්
කාන්තාව වටා සර්පිලයක් වගේ
කාන්තාවට අවධානය අරන් දෙනවා...


මෙහි සම්පිණ්ඩණ රටාව ඉතාම පැහැදිලියි..


-------------------------------------------------------------------------------------------

දෙවිදියක අනන්‍යතාවයෙන්
දෙවිදියක සුන්දරත්වයක් මවන
පොදු ලක්ෂණත් ඇති
ඉතා ප්‍රියමනාප ඡායාරූප දෙකක්..

එකක් ක්‍රියාකාරීයි..
අනික නිවුණු සන්සුන් ස්වභාවයක්..
අරමුණ රාමුවේ මැද හෝ
මැදට සමීපව ස්ථානගත කිරීමෙන්
අරමුණේ චලනය නොදැනි යනවා.

අරමුණ මධ‍යයෙන් ඈත් වුණාම
රාමුවේ ඊට සමීප දාර වල දිසාවට
ඇදෙන බවක් හැඟෙනවා.

මේ ඡායාරූප දෙකෙන් පෙනෙන දේ
ඒ රීතියට
හොඳ උදාහරණයක්.

1, Photo by Steve McCurry
2, Photo by Jayantha Rajawiweka.
----------------------------------------------------------------------------------------------

https://fbcdn-sphotos-d-a.akamaihd.net/hphotos-ak-prn1/21436_10200350303746907_723185843_n.jpg
Photo by Steve McCurry

අති විශිෂ්ඨ හැඩතල සම්පිණ්ඩණයක්.

----------------------------------------------------------------------------

මේ ස්ටීව් මැක්කරිගේ ඡායාරූප 2ක්..
එකම ස්ථානයක, එකම දැරියක්...
ඉතා සුළු කාල පරාසයක් තුළ ගත්
බෙහෙවින් වෙනස් ඡායාරූප දෙකක්.
 http://photos.stevemccurry.com.s3.amazonaws.com/sites/default/files/gallery/INDONESIA-10004.jpg
මේ දෙකෙන්
වඩාත් ප්‍රචලිත ඡායාරූපය
දෙවැනි ඡායාරූපයයි.
එහෙත් නොමේරූ රසයක් ඇති අය
පළමුවැන්නට කැමති වීමට
ඉඩ තියනවා.

1, පළමුවැන්නෙ සම්පිණ්ඩණය තුළ
දැරියටයි ප්‍රමුඛතාවය ලැබෙන්නෙ..
දෙවැන්නෙ ඇය මුහුණ දී තියන තත්වයට
වැඩි තැනක් ලැබෙනවා.
2, පළමුවැන්නෙ සම්පිණ්ඩණය තුළ
දැරියත් පරිසරයත් අතර සම්බන්ධයක් නැහැ.
ඇය කපල ඇලෙව්වා වගේ ස්වභාවයක් තියෙන්නෙ.
දෙවැන්නෙ
වර්ණ, හැඩතල ඉරියව්ව, කෝණය
ස්ථානගත කිරීම ආදී සියල්ලෙන්ම
ඇය පරිසරය සමග බද්ධ වූ ස්වභාවයක් තියනවා.
3, පළමුවැන්නෙ සම්පිණ්ඩණය තුළ
දැරියත් පරිසරයත් ඉතාම ත්‍රිමාණරූපීයි.

දෙවැන්නෙ
ඇයත් පරිසරයෙ ඇති දේවලුත්
පැතළියට, සංකෙතාත්මකවයි පෙන්නුම් කරන්නෙ.
ගංවතුර නිරූපනය කිරීමෙදි
දෙවැන්න සාර්ථකයි.

දෙවැන්නෙ
ඇගේ හිස පසුපස ඇති සුදු කොටුව
 ඇගේ හිස මතු වෙන්න ආධාර වෙනවා.
ඒ වගේම ඒ කොටුවත්
සුදු වැටත් නිසා හැදෙන
අදෘෂ්‍යමාන ත්‍රිකෝණය
ඇයට අවධානය ලැබෙන්න හේතුවක්..

ගංවතුරෙන් දුක් විඳින මිනිස්සු
ගංවතුර ජීවිතේ අංගයක් විදියට බාරගෙන
ගංවතුර බහිනතුරු
ගතකරන සාමාන්‍ය ජීවිතයට
හොඳ උදාහරණයක්..

ඇස පිනවන රූපයකට වඩා
Photo Journalism  වලදි වැදගත් වෙන්නෙ
අවස්ථාව නිරූපනය වීමයි.

---------------------------------------------------------------------------------------------------

තුෂාර පල්ලියගුරුගේ ....[[[ඇස මට්ටමින් තිරස් අතට ගමන් කරන "White Patch " එක 
මූලික රීතීන්ට පටහැනිය් ..]]]]
https://fbcdn-sphotos-e-a.akamaihd.net/hphotos-ak-prn1/931358_4993381479021_250359083_n.jpg
පළමු වැන්න ස්ටීව් මැක්කරිගෙ
මුල් ඡායාරූපය..

තුෂාර නොගැලපෙනවා කිව්ව සුදු කොටුව
දෙවෙනි රූපෙ අයින් කළා.

ඉදිරියෙ තියන සුදු වැට
පසුබිමත් සමග සම්බන්ධ කරන
ප්‍රධාන සාධකය ඉවත් කිරීමෙන්
ඡායාරූපයේ සමබරතාවය
ගිලිහෙන බවයි මට හැඟෙන්නෙ..
ගැඹුර දැනීම අඩුවෙනවා..
අඳුරු වීමකුත් වෙනවා.
දැරියගෙ හැඟීම පවා
රළු ස්වභාවයක් ගන්නවා.

දෙවෙනි පින්තූරයෙ
වැඩි අවධානයක් ගන්නෙ දැරිය..
පළමුවැන්නෙ ඇය ඒ පරිසරයෙ
එක් සාධකයක් විතරයි.


විලාසිතා නිරූපණයක් නම්
දෙවැන්න ගැලපෙනවා.
ආපදාවට පත්වුණ ප්‍රදේශයක් ගැන
වාර්තාමය ඡායාරූපයකට
මුලු ඡායාරූපයම
එකක් ලෙස දර්ශනය වීම අවශ්‍යයි.


-------------------------------------------------------------------------------------------


http://stevemccurry.files.wordpress.com/2013/11/burma-105551.jpg
මහළු ස්ත්‍රිය මතු කරගන්න
මේ පසුබිමෙ තියන දේ
ස්ටීව් උපයෝගී කරගෙන ඇති අයුරු
සලකා බලන්න.

මේ මොහොත කලින් දකින්නත්
අවස්ථාව ආ විගස ක්ලික් කරන්නත්
හුරු වෙන්න.


20130601

ඇෆ්ඝන් මොනාලිසාගේ කතාව -Steve McCurry




National Geographic  සඟරා ඉතිහාසයෙහි
හොඳම ඡායාරූප 100 අඩංගු පොතෙහි
කවරයට තේරුණු ඡායාරූපයයි මේ.

මේ අපූර්ව ඡායාරූපය පිටුපස
සුන්දර කතාවක් තියනවා.


බොහෝ ඡායාරූප ශිල්පීන්
කැමරාව අතේ තියාගෙන
හොඳම ඡායාරූපය ගන්න කල් මරනවා.
ඇෆ්ගන් මෝනාලිසා ගන්න
ස්ටීව් මැක්කරි අනුගමනය කල ක්‍රමය
එවැනි ඡායාරූප ශිල්පීන්ට හොඳ පාඩමක්.
ඔහු ඇයට දැල එලුවේ
අති දක්ෂ දඩයක්කාරයෙක් මෙන්.
ඔහු ඇගේ සිත දුටුවා.
තමන්ට අවැසි ඡායාරූපය ගන්න
ඔහු ක්‍රියා කල ආකාරය
ඔහුගේ ඡායාරූප ශිල්පීය දක්ෂතා ඉක්මවූ
සුවිශේෂී හැකියාවක්.
(1972 උපන්,) ශර්බත් ගුලා නම්
මෙම ලජ්ජාශීලී එහෙත් ඍජු යුවතිය
ඇෆ්ඝ්නිස්තනයේ රුසියානු ආක්‍රමණ සමයෙහි
සරණාගතයින් අතර විසුවාය.

https://blogger.googleusercontent.com/img/b/R29vZ2xl/AVvXsEhlAt9LI0EDzut92WcnDQ4jNp8r6GiblQu7bMDKuHtM3JYnPezPS-fDL4CyKiqWmFbthnBnZz0hYAXQHKZofCFzVChvAHi15xLHXS7Ca_vLdYXuNk_minP1JhHKwwV_NmcPyZEPPdhwgbI/s1600/Steve+McCurry+Afghan+Girl+200.jpeg ස්ටීව් මැක්කරි නම්
විශිෂ්ඨ ඇමෙරිකානු ඡායාරූප ශිල්පියා විසින්
අහම්බෙන් ඡායාරූපයට නගන ලදුව
ඇෆ්ඝන් මොනාලිසා ලෙසින්
ඇය ලොව ප්‍රසිද්ධියට පත් වූයේ
1985 ජුනි මස National Geographic සඟරාවේ
මුල්පිටුවේ පළවූ පසුය.
 http://thepowerofthefrontcover.files.wordpress.com/2011/02/1985-afghan-girl-national-geographic1.jpg?w=595
Cover of the National Geographic Magazine, June 1985.

                           එක් උදෑසනෙක, ඇෆ්ගන් සරණාගත කඳවුරෙහි සැරිසරමින් සිටි ස්ටීව් කූඩාරමක් පසුකර යද්දී කිසියම් පිරිසක් රැස්ව සිටින හඬ ඇසී විමසන විට ඒ දැරියන් සඳහාවූ කුඩා පාසලක් බව වැටහිණ.. ගුරුතුමිය ඔහුට ඇතුළට ආරාධනා කළාය.  
                          එහි ළමුන් අතර මෙම අසාමාන්‍ය, විශ්මිත, විනිවිදයන සුලු, නිල් කොළ අලු පැහැති දෑස් ඇති යුවතිය ඔහුට දක්නට ලැබිණ.. ඇය කූඩාරමෙහි පසෙක හිඳගෙන සිටියාය. 
 
මේ අතිශය අපූර්ව අවස්ථාවක් බව ස්ටීව්ට වැටහිණ.. 
ඇය ඡායාරූපගත කළ හැකි වුවහොත් එය සුවිශේෂී පෝර්ට්‍රේට් එකක් වන බව ඔහුට හැඟිණ... 
ඇගේ ස්වභාවය අනුව ඇය ඡායාරූපයට මුහුණ දීම ප්‍රතික්ෂේප කළහොත් මුලු දවසටම ඇය කැමති නොවනු ඇතැයි ඔහු සිතීය. ඡායාරූපයට මුහුණ දීම ඇයට පහසු කිරීම සඳහා ඔහු ඇගේ පන්තියේ අනික් සිසුවියන් ඡායාරූපයට නැගුවේය. එයින් ඇය තුළ ඡායාරූයට මුහුණ දීමට උනන්දුවක් ඇති කිරීම ඔහුගේ අරමුණ විය.මේ අතර ඔහු ගුරුතුමියගේ අවසරයද ලබා ගත්තේය. ඇය කෙළින්ම කැමරාවට මුහුණ දීමට පසුබිම සකස් කරගැනීම සඳහා ඔහු ඇගේ වෙනත් ඡායාරූප 5-10ක් පමණ ගත්තේය. 
http://farm1.staticflickr.com/44/142927934_8317ae2b08.jpg
   
 http://marciokenobi.files.wordpress.com/2012/01/afghan-girl-1xxx.jpg
                             වැඩිවිය පැමිණි ඇෆ්ගන් කාන්තාවක් ඡායාරූප ගත කිරීම වරදක් විය හැකිය. ඇය මුහුණ දෙන ආකාරය ඔහුගේ තෘප්තියට හේතු නොවීය... සම්බන්ධතාවය ඔහුට අවශ්‍ය තරම් ප්‍රබල නොවීය... මේ අවස්ථාවේදී ගුරුවරිය ඇයට පහදාදීමක් කරන්නට ඉදිරිපත්වූවාය. 
"මේ ඡායාරූපගත කිරීම වැදගත්... අපි මොන වගේද, අපි ඉන්න තත්වය බාහිර ලෝකයා දැනගත යුතුයි." 
                             ඇය දෑත් පහත දැම්මාය. ආලෝකය නිවැරදිව පතිත විය. කූඩාරම පසුබිමෙහි විය. ඇය කෙළින්ම ස්ටීව්ගේ කාචයට මුහුණ දුන්නාය. රාමු දෙකකින් ඔහු ඒ තියුණු, ඒකාග්‍රගත, විනිවිද යන බැල්ම ඡායාරූප ගත කළේය. 
                              ඊ ළඟ මොහොතෙහි එය  අතුරුදහන් විය. ඡායාරූපය ගෙන අවසානයැයි ඇයට හැඟිණ. ඇය යෙහෙළියන් වෙත යායුතුයැයි කියා පැන ගියෙන් ඡායාරූප ගත කිරීම නිමාවිය. එම ඡායාරූපය මෙබඳු පිළිගැනීමකට ලක්වේයැයි ස්ටීව් නොසිතූ නමුදු ඡායාරූපය සුවිශේෂී බැව් ඔහු දැන සිටියේය. 
                               ඔහු ඡායාරූපය දැක්කේ මාස දෙක තුනකට පසුවය. ඔහු එම ඡායාරූපය ආලෝක පුවරුව මත දුටු විට සඟරා කවරයක් සඳහා සිත් කළඹවන සුලු බව වැඩි යයි හැඟුණෙන් ඔහු එය සංස්කාරකට නොපෙන්විය යුතුයැයිද සිතුවේය. පසුව ඇය මුහුණ වසාගෙන සිටින ඡායාරූපයත් සමග
මෙම ඡායාරූපය පෙන් වූ විට සංස්කාරක වරයා කීවේ 
"ඔය අපේ මීළඟ කවරෙ." 


 At the Nasir Bagh refugee camp
in 1984,
Gula's photograph was taken by
on Kodachrome color slide film,
with a Nikon FM2 camera
and Nikkor 105mm
F2.5 lens.
 
මේ ඡායාරූපය
ඡායාරූප කලාවේ මොනාලිසා ලෙස ලෝක පූජිත වුණේ
මෙහි වර්ණ හැඩතල ආදී 
 කිසියම් නිශ්චිත
විශේෂ ලක්ෂණයක් නිසා නොවෙයි..
ඒ  හැම ලක්ෂණයක්ම එක්වෙලා
උද්දීපනය කරන අපූර්ව හැඟීම නිසයි..

මේ යුවතිය ඇෆ්ගන් සරණාගතයෙක්.
අනුන්ගෙ පිළිසරණින් ජීවත්වන්නියක්..
තවම දැරියක් වුණත්
ඇගේ හිතේ ස්පන්දනය වෙන
ආත්ම අභිමානය
කසපහරක් වගේ තියුණුයි..
දශ්ඨ කරන්නට සූදානම්වෙලා
අතීරණයෙන් ඉන්න
සර්පයෙකුගෙ ස්වභාවයක්
ඇගේ බැල්මෙ තියනවා.

ඒ බැල්ම පලුදු නොකර,
ගොරෝසු නොකර,
අඩපණ නොකර,
සංස්කරණය කළ යුතුයි..

The pre-print photo retouching
was done by Graphic Art Service,
based in Marietta,
Georgia.

 
ඇෆ්ඝන් මොනාලිසා අනුකරණය කරන්නට
වෙනත් ඡායාරූප ශිල්පීන් වෑයම් කරනවා...

රේඛා සම්පිණ්ඩණය වෙනස් වෙන අයුරු..


ප්‍රධාන වර්ණ දෙක වන
රතු සහ කොල වර්ණ සම්පිණ්ඩණය
එකිනෙකින් වෙනස් වෙන අයුරු..


2002 දී National Geographic සඟරාව විසින්
ඇය සෙවීමට කණ්ඩායමක්
ඇෆ්ඝනිස්තානයට යවන ලදුව
පකිස්තානයෙ නසීර් බාග්
සරණාගත කඳවුරට පැමිණියහ.


කිහිප වරක් වැරදි හෝඩුවාවල් ඔස්සේ ගිය ඔවුන්ට
ඇගේ ගුරුවරිය හමුවිය.
තවදුරටත් සොයා යෑමේදී

ඇය දැන් කඳුකරයෙහි වෙසෙන
බව දැනගෙන එහි ගිය ඔවුන්
මහත් දුශ්කරතා මැද
ඇය සොයාගන්නට සමත්විය.

 අවසන ඇගේ සොයුරා මුණ ගැසීම නිසා
වසර දාහතකට පසුව
නැවත ඇය ඡායාරූප ගත කරන්නට
ස්ටීව් මැක්කරිට අවස්ථාව ලැබිණ.


http://24.media.tumblr.com/tumblr_lybjkkRlSI1qcglluo1_500.jpg 

යුද්ධයෙන් සහ ජීවිතයෙන්
ලද පීඩාවන් නිසා
ඇය බොහෝ වෙනස්වී සිටියාය.

http://www.solarnavigator.net/art/art_pictures/afghan_girl_woman_shabat_gulu_identified.jpg

xxx


http://thepowerofthefrontcover.files.wordpress.com/2011/02/afghan-girl-in-1985-and-in-2002.jpg

 ඇයට වයස 13දී
වයස 16ක් වූ රහමත් ගුල් සමග
විවාහ වූ ඇය
බේකරියක වැඩකරන සැමියා ස
දරු තිදෙනෙක් සමග වෙසෙන්නීය.




http://www.slowear.com/wp-content/uploads/2012/03/mccurry1.jpg.

https://fbcdn-sphotos-f-a.akamaihd.net/hphotos-ak-prn2/182112_3569323118452_1651115392_n.jpg .

Nice interview

------------------------------------------------------------------------------------------------
http://www.hasselbladusa.com/media/1500482/pakistan-10003_web.jpg
ස්ටීව් මැක්කරි විසින්
කෙනෙකුගෙ
Portrait ඡායාරූපයක් ගනිද්දි
සැලකිලිමත් වෙන කරුණු ගැන
ඔහු කරන කෙටි හැඳින්වීමක්..
සහ ඔහු ඡායාරූප ගත කරන අයුරු..
  ----------------------------------------------------------------------------------------------------  

ස්ටීව් මැක්කරි සහ 2013 PIRELLI කැලැන්ඩරය